سفیر الحب

لطمیه یروح الروح
یروح الروح، فدوه الروح، یا عبّاس حاچیـــنی
اخوک احسین، نور العین، خل صوتک یسلینی
***
طفت المشرعه ابکل صوب، هدمت ارکان عدوانک
کشفت الگاع یبن اسباع، والجود انمله ابشانک
یا خویه چفوفک وین، دمک ثبّت ارکانک
گبر حیدر شفا للعین، اخذنی اویاک دلینی
یروح الروح، فدوه الروح، یا عبّاس حاچیـــنی
اخوک احسین، نور العین، خل صوتک یسلینی
***
یخویه ارماح فوگ ارماح ، صدرک یجری دم مایه
یخویه الواعدانی او گال ، سیر او گلبی حمّایه
یخویه اوحید بلمیدان ، او جیش ایزید دگ ثایه
اگعد و استعد یا خوی ، شفت هجرک یبچینی
یروح الروح ، فدوه الروح، یا عبّاس حاچیـــنی
اخوک احسین، نور العین، خل صوتک یسلینی
***
زینب تنعی یا عباس ، واعلی التل تربالــــــک
اطفال او عطش حر او نار ، تصب الدمع من شالک
طریح اموسد التربان ، او حالی اخس من حالک
وین الوعد یا عباس ، وحدی لا تخلیــــــنی
یروح الروح ، فدوه الروح، یا عبّاس حاچیـــنی
اخوک احسین، نور العین، خل صوتک یسلینی
***
گمر عدنان ، حط نیشان ، یا خیمة هلی امن الحر
یساقی المای ، دنّی جای ، اشوفن جسمک امطبّر
یرب الکون ، اخوی اشلون ، عافانی وحیده افتر
وحگ اربای ، دم بحشای ، بالله اعلیک تانینی
یروح الروح ، فدوه الروح، یا عبّاس حاچیـــنی
اخوک احسین، نور العین، خل صوتک یسلینی
***
خادم اهل البیت جاسم ثعلبی (حسّانی) 16/08/1392
علی الراغبین اجرا الطمیه علیهم بذکر اسم الشاعر و اسئلکم الدعاء